Një 50-vjeçare ka humbur jetën mbrëmjen e së shtunës si pasojë e një aksidenti.
Aksidenti ndodhi rreth orës 23:00, kur një furgon me targa “AA00FT” ka dalë nga rruga dhe është futur në lulishten më të populluar të qytetit të Lushnjes.
Mësohet se mjeti ka qenë duke lëvizur me shpejtësi, kur ka dalë nga rruga dhe ka kaluar bordurën rreth 60 cm, duke thyer një pemë dekorative dhe duke përfunduar në lulishte, ku ishin duke pushuar qytetarët.
Viktima është Teuta Aliçkolli, 50 vjeç.
Raportohet se të aksidentuar, por jashtë rrezikut për jetën, kanë mbetur disa persona, mes tyre është edhe djali i viktimës.
Kanë qenë qytetarët që kanë ngritur mjetin nga trupi i saj, duke thirrur menjëherë ambulancën.
