Përpara startit të kampionatit, disa prej ekipeve të Superiores kanë zbritur sot në fushën e blertë në përballje miqësore me njëra-tjetrën.
Miqësorja mes Laçit dhe Partizanit e luajtur në fushën kurbinase, nuk prodhoi fitues. Vendasit e Starovës kaluan të parët në avantazh me anë të sulmuesit Xhixha në minutën e 48-të. Kampionët në fuqi Superiores, nuk u pajtuan me rezultatin teksa gjetën golin e barazimit me Çinarin, i cili u aktivizua në pjesën e dytë.
LAÇI – PARTIZANI 1-1
Shënues: Xhixha 48’ / Çinari 63’
Laçi: Stazhilla, Fangaj, Ignjatoviç, Gjoni, Domgjoni, Deliu, Lushkja, Zaimi, Teko, Xhixha, Nuabueze. Trajner: Sulejman Starova
Partizani: Hoxha, Belica, Bitri, Boldor, Romero, Telushi, Broja, Trashi, Kordeiro, Asani, Bardhi. Trajner: Franko Lerda (U aktivizuan: Teqja, Broun, Ibrahimi, Ekuban, Çinari, Mala, Haka
Në fushë zbriti dhe ekipi tjetër kryeqytetas. Bardheblutë e Tiranës shkëlqyen në miqësoren e zhvilluar sot në “Selman Stërmasi” teksa ka mposhtur Tërbunin me rezultatin e thellë 5-0. Skuadra e Memës, e ka dominuar krejt takimin, duke likuiduar pukjanët, që këtë sezon do të militojnë në Kategorinë e Parë.
Tirana-Tërbuni 5-0
Shënues: Dunga 14’, Hasani 28’, Ngo 67’, Daja 68’, 81’
Formacioni i Tiranës: Lika, Doka, Muça, Imami, Hoxhallari, Celhaka, Batha, Torasa, Hasani, Kale, Dunga. Trajner: Ardian Mema. (U aktivizuan: Qirko, Cikani, Ngo, Goxha, Daja, Ismajlgeci, Kobina).
Në fushë zbriti dhe Skënderbeu i ri i Ilir Dajës, i cili e nisi me humbje këtë fazë përgatitore, por duhet theksuar se grupi nuk është ende i plotë nga largimet e shumta që pësoi. Në sfidën e luajtur në “Tropikal Resort”, bardhekuqtë humbën me rezultatin 1-3 përballë Bylisit. Golin e vetëm për korçarët e shënoi Alfred Mensah, futbollist që ka ardhur në provë.
Formacioni i Skënderbeut: Beqiri ( Under19), Pëllumbi, Vitia, Turtulli, Dita, Taipi, Mara, Gripshi, Bregu, Oto Xhon, Krasniqi. U aktivizuan: Almir Ajzeraj, Dajsinani, Alfred Mensah, Kosta Vangjeli, Qoshku.
Gjithashtu, sot u përballën në një miqësore mes tyre dhe Teuta-Vlaznia. Sfida e luajtur në Korçë, aty ku po kalon fazën përgatitore ekipi durrsak, përfundoi me rezultatin e bardhë 0-0.
Teuta – Vllaznia 0-0
Teuta: Çeleski, Todorovski, Shkalla, Jazxhi, Kuro, Aleksi, Gashi, Avdyli, Çyrbja, Kallaku, Nikaç.
Trajner: B. Shkëmbi
Vllaznia: Sherri, Gurishta, Gligorov, Ristevski, Malota, Krymi, Kruja, Shtubina, Lika, Zogaj, Pusi.
Trajenr: M. Jonuz