Erjon Braçe, zv.kryeministër, ka paralajmër administratorët e 3 bizneseve të njohura, si Tajvani, Havana dhe Azuli, që të kenë kujdes me kërcënimet ndaj punonjësve të shtetit.
“Do të doja ti çoja një apel të gjithë administratorëve apo pronarëve të njësive që gjatë gjithë kësaj periudhe kanë qenë nën kontroll, kërcënimet përkundrejt nëpunësit të shtetit në detyrë do të ndëshkohen pa mëshirë.
I kujtoj administratorit të Tajvanit këtu, apo administratorëve të Havanës dhe Azulit në Dhërmi që të bëjnë kujdes se çdo kërcënim ndaj punonjësit të shtetit që janë paraqitur pranë subjektit të tyre që do të përballen me ligjin deri më një.
Çdo germë e artikuluar ndaj punonjësit të shtetit në detyrë si kërcënim do të trajtohet si krim dhe pavarësisht se presidenti nuk na e dha mundësinë që kodi penal të hynte në fuqi tani ne do të zbatojmë maksimumin e mundshëm që na jep ligji për të ndëshkuar secilin prej tyre”, tha Braçe, në deklaratën para godinës së Kryeministrisë.
