Avokat Spartak Ngjela përmes një postimi në rrjet shkruan se Presidenti Ilir Meta dhe Kryeministri Edi Rama po i kërkojnë ndihmë Presidentit të Turqisë, Rexhep Tajip Erdogan, për të shpëtuar nga halli i tyre.
Shikoni si është trembur korrupsioni i lartë në Shqipëri, Meta e Rama shkojnë te Erdogan. Njëri i kërkon ndihmë dhe tjetri merr urdhëra, shkruan Ngjela ndër të tjera, duke kundërshtuar gjithashtu ngritjen e memorialit të turqve të vrarë në Shqipëri në fillim të shekullit të XX-të si pushtues.
Komenti i Spartak Ngjelës
Shikoni si është trembur korrupsioni i lartë në Tiranë:
Meta shkon te Erdogani dhe i kërkon ndihmë duke i thënë: “Turqia duhet të shpëtojë Shqipërinë nga Amerika”, se i trembet për tmerr shkarkimit në një proces penal.
Kurse Rama, me urdhër të Erdoganit; pasi kthehet nga Turqia, që nuk dihet nëse ka marrë ose jo gjë përsipër për hallin e Metës, ka vendosur në parkun e Liqenit në Tiranë një memorial “dëshmorësh” turq të vrarë në Shqipëri në fillim të shkullit të XX-të si pushtues.
Si mund të vendoset pa ligj një memorial për pushtues gjakatarë shekullorë! Një memorial për të rënët e pushtuesit duhet të miratohet vetëm me ligj. Çfarë i dinë memorialet e pushtuesve të Shqipërisë këta kryeministra nga hiçi, dëshira individuale të tyre, apo tregti me ish pushtuesit për të fyer historinë e Shqipërisë?
Rama, ose të na tregojë ligjin, ose të na ngrerë edhe monunentin e Haxhi Qamilit, se Enver Hoxha e la në mes këtë “detyrë” që e ndiente si të shenjtë, pasi shkroi rreth 100 faqe për Haxhiun, dhe e quajti “tribun të popullit” personin që nuk donte të ndahej nga Turqia.
