Kryeministri Edi Rama nuk ka nguruar të kërcënojë vendimmarrjen e Bashkimit Europian lidhur me procesin e hapjes së negociatave me Shqipërinë, vendim që pritet të merret më 18 tetor.
Me shumë gjasa Shqipëria do të marrë një “JO” nga BE, ndërkohë që Maqedonia e Veriut ka më shumë shanse për çeljen e negociatave.
Dhe duket se kjo ka shqetësuar Kryeministrin Edi Rama, i cili në një intervistë për Euronews paralajmëron se vendimi për hapjen e negociatave vetëm për Maqedoninë e Veriut mund të destabilizojë rajonin.
“Evropa nuk shikon më nga Lindja. Procesi i zgjerimit të Bashkimit Evropian drejt Ballkanit duket se ka ardhur në një ndalesë: Kryeministri shqiptar Edi Rama e thotë këtë, i hidhur për përparësinë që Maqedonia e Veriut mund të kishte mbi vendin e tij në bisedimet e pranimit. Një fakt që – tha ai – mund të destabilizojë tërë rajonin.
“Ne duhet të shënojmë se procesi i vendimmarrjes së Këshillit gjithnjë e më shumë nuk bazohet në atë që ne bëjmë, në ato vende si ne bëjnë, por në situatën ose në dinamikën e brendshme politike të Shteteve të ndryshme Anëtare”, citohet Rama.
Por përtej opinionit publik, ka ende shumë pengesa që Shqipëria do të duhet të kapërcejë në mënyrë që të hyjë në Union.
“Ka fusha – shpjegon Luigi Soreca, Ambasadori i Bashkimit Evropian në Shqipëri – në të cilën institucionet shqiptare në tërësi duhet të vazhdojnë të punojnë: lufta e përditshme kundër korrupsionit, lufta kundër krimit të organizuar dhe trafikimit të drogës që po ndryshon lëkurën”.
Për arsyet e tij, Rama duhet së pari të bindë Austrinë dhe Gjermaninë, të cilat sot janë kundërshtarët më të fortë ndaj shtimeve të reja në union”,thuhet ndër të tjera në kronikën e Euronews.
