Një shtetas turk është arrestuar nga policia në Rinas pasi ka hyrë në mënyrë të paligjshme në territorin e së Shqipërisë
Atij iu sekuestrua një pasaportë franceze e dyshuar si e falsifikuar.
Shtetasi i arrestuar është me iniciale U.S. 19 vjeç.
Njoftimi i policisë:
Kapet dhe arrestohet në flagrancë nga shërbimet e Policisë të Komisariatit të Policisë Kufitare Rinas në bashkëpunim me Specialistët e Seksionit për Hetimin e Trafiqeve të Paligjshme shtetasi turk U. S.19 vjeç, për veprën penale “Kalimi i paligjshëm i kufirit shtetëror”, “Ndihma për kalim të paligjshëm të kufirit” dhe “Falsifikimi i letërnjoftimeve, i pasaportave ose vizave”. Ky shtetas ka hyrë në mënyrë të paligjshme në territorin e Republikës së Shqipërisë. Nga kontrolli i ushtruar në dalje të PKK Rinas, Policia Kufitare i gjeti një pasaportë franceze e dyshuar si e falsifikuar.