Gazetari i njohur, Ylli Dylgjeri, ka reaguar mjaft ashpër pasi rilindasit morën 61 bashkitë në vend. Me anë të një statusi në facebook, Dylgjeri shkruan se rrëmbimi i bashkive është një akt mafioz.
Ja postimi i Dylgjerit:
Pamjet drithëruese me grupe horrash që kërkojnë të rrëmbejnë apo të mbajnë bashkitë në qytetet e vendit janë aktet më të turpshme që publiku ndoqi gjatë ketyre ditëve të nxehta të korrik- gushtit.
Në Shqipëri u godit sërisht civilizimi. Në Shqipëri u godit sërisht brezi i ri.
Në Shqipëri u godit sërisht bashkëjetesa.
Në Shqipëri u plagos morali dhe e nesërmja. Regjimi i Edi Ramës, i organizuar tashmë në falanga banditësh, me leva, pinca e sharra e gjithshfarë mjetesh të forta në duar sulmuan godinat ku thuhet se do të projektohet qytetërimi i Republikës!!!
Pamje të tilla kemi parë vetëm në regjimet e juntave ushtarake në vendet latine.
Çfarë janë atëherë këto grupe Komitete Shpëtimi?
Kujt i duhet ai pushtet vendor i marrë pas këtyre zgjedhjeve që bota ende si ka çertifikuar si të ligjshme e të lira?
Për çfarë morali do tu flasin qytetarëve kryebashkiakët që udhëhoqën falangat e sulmit drejt zyrave të bashkive?
Kjo është Rilindja? Ky është dështimi.
Ky ishte turpi i rradhës.
Mbajini Bashkitë legena
U pafshi hairin!
