Deputeti Lefter Maliqi ka paralajmëruar kryebashkiakun e Tiranës, Erjon Veliaj, se mund të pësojë fatin e mjaft emrave të njohur apo që i shërbyen Edi Ramës dhe në fund u lanë rrugëve prej tij.
“Kujdes nga Kalorësi i Rilindjes Lali Eri !? Nuk është çudi kur të lërë rrugëve të dërgoj shishe vere për ditëlindje siç i dërgoj sot ish kryebashkiakut Gjika, të cilin jo vetëm e hodhi në rrugë, por e rraskapiti në dyert e prokurorive dhe gjykatave si dhe e sëmuri në dyert e spitaleve”, shkruan Maliqi.
Postimi i Lefter Maliqit
Lali Eri mbahu fortë se shpëtove me 30 Qershorin por s’është çudi, pasi të shtrydhi mirë siç bëri me ish Kryebashkiaket Dako,Gjika që po enden dyerve të Prokurorive, Gjykatave dhe Spitaleve apo si la rrugëve ish kryebashkiaket Baftjar Zeqo i Fierit, Adriatik Braçe i Ersekës, Syrja Ormenaj i Urës Vajgurore, Roshin e famshem të Kavajës e shumë të tjerë pa permendur ish ministra si Xhafa, Bushati, Tahiri, Kodheli, Ahmetaj, Gjiknuri, Lindita Nikolla etj, ish deputet si Ndoka, Çuko, Qifja etj si dhe plot figura të shquara në PS si Dade, Dokle, Blushi, Hafizi, Leskaj etj.
Apo ish ministri më i sukseshëm i Financave i qeverive socialiste, i cili po pret ( gijotinën ) nga Skënderbeu i Mamicës që s’po e le as të aderoj në radhët e PS.
Kujdes nga Kalorësi i Rilindjes Lali Eri !? Nuk është çudi kur të lërë rrugëve të dërgoj shishe vere për ditëlindje siç i dërgoj sot ish kryebashkiakut Gjika, të cilin jo vetëm e hodhi në rrugë, por e rraskapiti në dyert e prokurorive dhe gjykatave si dhe e sëmuri në dyert e spitaleve.