Një shtetas shqiptar 35-vjeç u arrestua mbrëmjen e vonë të së mërkurës në një rrugë kryesore në Prevezë.
Në vitin 2012 ai është arratisur nga burgu i Patrasit ku vuante dënimin me vjedhje, ishte dënuar për grabitje me armë me 12 vite burg.
Më pas, sipas policisë u identifikua, si një nga dy grabitësit me armë në një degë të Bankës 3 ditë më parë në Parga.
Arrestimi i tij u bë i mundur nga vëzhgimi i një oficeri të policisë OPKE Preveza, i cili ishte jashtë shërbimit, por, siç tregojnë të gjitha, kishte kapur pamjet nga qarku i mbyllur i Bankës.
Si pjesë e një hetimi policor në shtëpinë ku ishte parë i dyshuari, gjeti një pjesë të parave të sekuestruara nga banka, një armë dhe një identitet të rremë të autoriteteve italiane. Konkretisht, nga 26.630 euro dhe 200 dollarë të rrëmbyera nga dy hajdutët e bankave u gjetën në shtëpinë e 35-vjeçarit, 8,240 euro dhe 100 dollarë.
Nga hetimi i të arrestuarit bëhet me dije se 35-vjeçari shqiptar tashmë i arrestuar është një person që ka qenë i arratisur nga burgu i Patras që nga 25 janari 2012.
Arratisja e tij kish ndodhur pasi kishte marrë një pushim 6 ditor dhe nuk u kthye më në burg. I dyshuari vuante dënimin me 12 vjet burg për vjedhje, grabitje të armatosur, vjedhje, mbajtje droge dhe hyrje të paligjshme në vend.
Tanimë 35-vjeçari shqiptar do përballet me një dënim deri në 19 vjet për veprat penale grabitje, armëmbajtje pa leje dhe vepra të tjera. Hetimi paraprak i çështjes dhe hetimet për vendndodhjen e bashkëpunëtorit të tij po vazhdojnë nga Departamenti i Sigurisë Preveza.