Kryetari i PD-së, Lulzim Basha, tha se ishte tronditur nga dëshmitë e publikuara mbrëmjen e së mërkurës në reportazhin “Narcotica” në Rai 3, lidhur me trafikun e drogës nga vendet e Amerikës Latine, në Shqipëri dhe më pas drejt Italisë.
“E gjithë Italia dhe Europa sikundër Shqipëria është tronditur nga dëshmitë që kanë sjellë policët dhe prokurorët për drogën.Kanabisi po kultivohet në 1/3 e territorit të Shqipërisë, sasisa e kanabisit është 5 herë më e lartë se vitin e kaluar”, tha Basha, duke shtuar se do të hetohen fondet që po përdoren sot për ndërtimet dhe projekte të tjera.
“Zbulimi dhe rikuperimi i parave të vjedhura shqiptaërve është prioritet absolut në luftën kundër krimit të organizuar dhe pastrimit të parave. Shqipëria do kthehet në një parajsë lokale me ambicie evropiane, për të prodhuar vende pune e paga dinjitoze. Kriza politike do përfundojë me politikanë me pranga në duar”, tha Basha.
