Sergio Aguero i Manchester City u vu në pozitë të vështirë, kur dikush, mbas ndeshjes me Liverpool, i tha se “motra e tij e do”. Megjithatë, sulmuesi argjentinas nuk ngurroi në përgjigje, edhe pse paksa qesharake: “Shkëlqyeshëm, thuaji asaj që të vijë sonte”. Manchester City vazhdoi mbizotërimin e brendshëm, duke mposhtur “Reds” të dileën, në “Community Shield”. Disa mund ta quajnë këtë kupë thjesht si një miqësore para sezonit të ri, por përplasja e së dielës ishte tejet e zjarrtë dhe e luftuar.
Të dy, Guardiola dhe Jurgen Klopp, hodhën në fushë formacione shumë të forta, me shpresën për të treguar veten para nisjes së sezonit të ri, ku Liverpool dhe Manchester City pritet të shkojnë “kokë më kokë” për titullin e Premier League. Dukej qartë që Sergio Aguero ishte me siguri në humor të mirë, ashtu si skuadra e tij. Gjatë rrugës së kthimit në dhomat e zhveshjes, ai pati një shkëmbim batutash të guximshme me një grua, që e priste më poshtë.
Në pamjet më poshtë, dikush mund të dëgjohet duke bërtitur: “Aguero, motra ime të do”. Pa u menduar dy herë, argjentinasi iu përgjigj: “Shkëlqyeshëm, thuaji asaj që të vijë sonte” E bëri këtë përpara se të buzëqeshte dhe të ikte. Përgjigjia e tij i bëri ata që ishin rreth tij të hapnin sytë, por edhe të qeshnin me të madhe.
Shikoni videon.
https://twitter.com/SamLee/status/1158051919052648451?ref_src=twsrc%5Etfw%7Ctwcamp%5Etweetembed&ref_url=https%3A%2F%2Ftelesport.al%2Fmotra-ime-te-do-aguero-i-kthehet-fanses-mrekulli-thuaji-te-vije-sonte-video%3Ffbclid%3DIwAR1mrldvgUtq8zyTypNxFWFGG2m4J1p5JCZRtM5pkjOOZ7jaFwwfRoDG_JU
