Nuk mund të mungonte një opinion për çështjen Mauro Icardi as nga sulmuesi legjendar i Interit, argjentinasi tjetër Diego Milito. Ky i fundit i cili aktualisht është drejtor i zonës teknike te skuadra ky mbylli karrierën Racing Avellaneda në një intervistë ka folur për situatën në të cilën ndodhet bashkëkombasi i tij me Militon që ka kritikuar drejtuesit e Interit për mënyrën sesi po e trajtojnë Icardin.
“ Te Interi e kanë bërë të qartë se Icardi nuk bën më pjesë ne projektin e tyre dhe më vjen keq për këtë pasi e njoh mirë Mauron. Icardi ka ardhur te Interi në momentin që unë kam ikur, më vjen keq që mund të largohet në këtë mënyrë pa u marë fare në konsideratë. Nuk është kjo forma e duhur. Lojtarët e rëndësishëm duhet të largohen në mënyrë të përshtatshme nga një klub ku kanë luajtur për shumë vite, duhet të largohen me respekt. Kjo është gjëja më e rëndësishme. E ardhmja ime sërish te Interi? Në këtë moment nuk shikoj shumë larg, jam mirë te Racing dhe dua të vazhdoj këtu”.
Me këto fjalë mbyllet intervista e Diego Militos që për momentin e përjashton një rikthim te Interi në rol drejtuesi.
