Ambasada e SHBA në Tiranë e cilëson vettingun ndaj gjyqtarëve dhe prokurëve si mjaft të rëndësishëm për ndryshimin e sistemit të drejtësisë.
Ambasada e SHBA përmes një video të publikuar në rrjet i drejton një apel shqiptarëve të shohin dhe të mësojnë se si proçesi i vettingut do të sigurojë që të gjithë të jenë të barabartë përpara ligjit.
“Në videon tonë të fundit, ne ju njohëm me një përmbledhje të reformës në drejtësi.
Këtë javë, do të flasim për vetingun. Me siguri ju keni dëgjuar për këtë proces, por përse është vetingu i rëndësishëm?
Përse reforma në drejtësi vendosi një proces rivlerësimi për gjykatësit dhe prokurorët dhe si do e ndryshojë kjo sistemin shqiptar të drejtësisë?
Shihni këtë video dhe mësoni se si procesi i vetingut do të sigurojë që të gjithë të jenë të barabartë përpara ligjit. #CfareEshteReformaNeDrejtesi#NdalKorrupsionit”, thuhet në mesazhin e Ambasadës së SHBA, që e shoqëron me videon e mëposhtme.
