Ish-deputetja demokrate, Nada Meçorapaj, ka denoncuar zgjedhjen në drejtimin e Këshillit Bashkiak të Sarandës, të një përmbaruesi që ishte denoncuar po nga vetë socialistët për heqjen e vulave të Autoritetit Kontrollit të Ushqimeve (AKU) nga ushqimet.
‘Zv/Kryeministri që ka marrë flamurin e mbrojtjes së interesit publik dhe po iu ‘jep dërrmën’ gjithë kundravajtësve të vegjël e të medhenj, ka denoncuar para pak ditësh një gjyqtar dhe një përmbarues nga Saranda.
Sipas Braçes, përmbaruesi, ka hequr vulat e bllokimit të mallrave të vendosur nga AKU për mallra ushqimorë të skaduara apo me probleme të tjera.
Përmbaruesi që ka ‘zemëruar’ Braçen quhet Asaf Stroka dhe sot, PS, partia e zv/Kryeministrit, e ka zgjedhur kryetar të Këshillit Bashkiak të Sarandës. Pra, e gjitha është SHOW’-denoncon ish-deputetja.
