Prej disa muajsh Shqipëria është kthyer në një betejë përplasjesh të forta politike mes aktorëve kryesorë në vend, kryeministrit, kryetarit të opozitës, presidentit të republikës dhe qytetarëve që kanë disa muaj rresht që protestojnë për ndryshimin e gjendjes ku ndodhet vendi.
Lidhur me këtë përplasje të fortë mes palëve, kreu i PDK, Nard Ndoka, ka dhënë dhe zgjidhjen se si kjo situatë të përfundojë dhe të merret vesh se kush ka të drejtë dhe kush jo në këtë mes.
Sipas tij e vetmja zgjidhje mbeten zgjedhjet e lira dhe të ndershme.
Ja postimi i Ndokës:
Presidenti, Rama, Basha dhe Populli!
🔻Sherr shqiptar!
Po grindeshin dy persona pa fund. Njëri e ke ti fajin, tjetri e ke ti. Vendosin të marrin një të tretë si gjykatës. Ky pyet të parin:
“Më thuaj çfarë problemi ke? Po ja, ashtu e kështu….
Po, ti ke të drejtë!”
Pastaj pyet tjetrin, edhe ai shpjegon ashtu e kështu…. “Po, edhe ti ke të drejtë!”
Një i tretë që ishte si dëshmitar, i drejtohet i acaruar gjykatësit:
” Ore je në rregull ti, u jep të drejtë të dyve?! Ose njëri ose tjetri kanë të drejtë!”
Gjykatësi me qetësi përgjigjet: “Po, edhe ti ke të drejtë!”
🔹Sherr shqiptar, por vetëm zgjedhjet e lira e vendosin kush ka të drejtë!
🇦🇱Pa Ramën KM, edhe unë kam të drejtë!👍
