Policia italiane ka arrestuar një shqiptar 30 vjeçar i cili pasi kishte rrëmbyer ish-gruan e tij italiane e kishte përdhunuar për disa ditë.
Ngjarja ka ndodhur në qytetin e Sienas.
Shqiptari e ka mbajtur peng në një shtëpi në Foligno, ish-gruan e tij.
Si kundër raportojnë mediat italiane, shqiptari e kishte ndjekur dhe dhunuar psikologjikisht 28 vjeçaren italiane.
Ai e dhunoi dhe përdhunoi për tre ditë me radhë ish-gruan.
Gruaja mundi të hidhej nga makina gjatë lëvizjes së tyre në Castel Romano.
Por 30 vjeçari nuk është ndalur këtu.
Ai ka vazhduar ta dhunojë gruan në rrugë çka ka sjellë edhe tërheqjen e vëmendjes së kalimtarëve të cilët lajmëruan policinë.
Dhunuesi mundi të largohej por u kap më pas falë regjistrimeve të kamerës së sigurisë, të cilat kishin kapur targën dhe llojin e makinës me të cilin ai po udhëtonte.Tashmë shqiptari që akuzohet për rrëmbim, dhunë dhe përdhunim dhe ndodhet në burg, ndërsa gruaja tregoi për policinë gjithë dhunën që ai kishte ushtruar ndaj tij dhe iu nënshtrua protokollit për viktimat e abuzimit seksual.
