Policia eshte ne kerkim te dy autoreve te ngjarjes se rëndë ka ndodhur në një lokal te zona e njohur si Kabinat në Plazhin e Vjetër në Vlorë, rreth orës 19:30 të pasdites të së dielës. Pas nje sherri, dyshohet mes te rinjsh, ata kane qelluar mbi pronarin, qe gjeti me pas vdekjen dhe lane te plagosur djalin dhe nipin e tij.
Dy autorët kanë kryer sulm me armë në shenjë hakmarrjeje. Dy autorët kanë gjetur momentin kur në zonën e Plazhit të Vjetër nuk ka pasur shumë persona për të kryer sulmin.
Pasi kanë shkuar me makinë në drejtim të bregut të detit, kanë zbritur nga automjeti dhe kanë nisur të qëllojnë në drejtim të tre personave me breshëri nga distanca. Objektivi i këtij sulmi, me sa duket, ka qenë 18-vjeçari, djali i pronarit dhe nipi i tij, Olsi Beqiri.
Mësohet se dy autorët kanë përdorur kallashnikov dhe pistoletë në sulmin me armë. Nga plumbat ka mbetur i plagosur rëndë 52-vjeçari Arben Beqiraj, (Brahimaj). Ai u dërgua në gjendje të rëndë për jetën në Spitalin Rajonal të Vlorës, pasi ka marrë plumb në gjoks, kraharor dhe këmbë, por ka nderruar jete ne spital, pas mesanet.
Si rrjedhojë e breshërive të plumbave, plagë në trup ka marrë edhe i biri Brikelo Brahimaj, 18 vjeç, i cili është plagosur në këmbë, si dhe nipi Olsi Brahimaj edhe ky i plagosur në këmbë nga plumbat.
Autorët e sulmit me armë më pas janë larguar me automjetin e tyre në drejtim të Pyllit të Sodës për t’iu shpëtuar arrestimit nga Policia. Policia e Vlorës ka identifikuar dy autorët E. Xh. dhe Sh. L., ndërsa për arsye hetimi nuk bëhet i ditur identiteti i tyre i plotë.
Forcat e rendit kanë ngritur postblloqe në pikat me strategjike të qytetit për kapjen e autorëve. Në ndihmë të bluve të Vlorës shkuan Delta Forcë si dhe Forcat e Ndërhyrjes së Shpejtë të Fierit.
“Në orët e pasdites në Vlorë, në lagjen ‘1 Maji’, në një lokal në pronësi të shtetasit A. B., ka ndodhur një konflikt për motive të dobëta. Si pasojë e konfliktit është plagosur i zoti i lokalit, shtetasi A. B., që ndodhet në gjendje të rëndë dhe dy shtetas të tjerë që janë jashtë rrezikut për jetën.
Policia ka identifikuar dy autorët e ngjarjes, shtetasit Sh. L. dhe E. Xh. Në ndjekje të autorëve është vënë Policia e Vlorës, Delta Forcë dhe FNSH e Fierit”, bëhet e ditur nga Policia.
/PANORAMA
