Policia e Shtetit ka reaguar pas ngjarjes së rëndë të ndodhur sot në qytetin e Vlorës, ku pas një konflikti banal brenda një lokali, ka ardhur përplasja me armë ku kanë mbetur 3 persona të plagosur, njëri prej tyre në gjendje të rëndë.
Policia ka dhënë detajet se si ka ndodhur ngjarja, ndërsa thekson se është vënë në ndjekje të autorëve, të cilët janë identifikuar.
Ja njoftimi i policisë:
Në Vlorë, ne lagjen 1 Maj, në një lokal në pronësi të shtetasit A.B, ka ndodhur një konflikt për motive banale. Si pasoje e konfliktit është plagosur i zoti i lokalit shtetasi A.B, që ndodhet në gjendje të rëndë dhe dy shtetas të tjerë që janë jashtë rrezikut për jetën.
Policia ka identifikuar dy autorët e ngjarjes, shtetasit SH.L dhe E.XH.
Në ndjekje të autoreve është vënë Policia e Vlorës, Delta Forcë dhe FNSH e Fierit.
Grupi hetimor ndodhet në vendngjarje dhe po punon për sqarimin e rrethanave të ngjarjes si dhe sekuestrimin e çdo prove që do ti shërbejë hetimit.
