Presidenti Ilir Meta zyrtarisht ka nisur pushimet. Në fakt ai po kalon disa ditë pranë familjes së tij dhe i ka të shpeshta fotot dhe reagimet në rrjetet sociale.
Nuk është hera e parë që Presidenti Meta ka postuar foto nga pushimet e tij apo fundjavat relaksuese, pasi këtë verë ai ka qenë tejet aktiv në rrjetet sociale. Por, ajo që bie më shumë në sy është fakti se këtë fundjavë është bashkuar më në fund me Monika Kryemadhin.
Kjo e fundit vetëm para një muaji deklaroi se ‘kam javë që nuk e takoj Ilir Metën për shkak të angazhimeve’. Në këtë kontekst duket se me mbarimin e protestave të opozitës së bashkuar, edhe Monika ka lënë mënjanë interesat politikë jo shumë të ndryshëm nga Meta, duke shijuar disa ditë dashurie dhe qetësie me familjen e saj.
