Në portin e Hamburgut është sekuestruar sasia më e madhe e drogës e kapur ndonjëherë në Gjermani. Bëhet fjalë për 4.5 kokainë e ndarë në 4200 pako të fshehura në 211 çanta të mëdha.
Trafikantët tentuan ta kalonin ngarkesën në doganë si transport i farave të sojës. Por tentativa e tyre shkoi dëm, pasi droga u zbulua gjatë kontrolleve rutinë.
Sasia e madhe e drogës ishte nisur me anije nga Montevideo në Uruguaj, në Hamburg do të qëndronte në tranzit, ndërsa destinacioni final do të ishte porti i Antwerp në Belgjikë.
Sipas autoriteteve gjermane vlera e drogës së sekuestruar arrin në 1 miliard Euro.
Vetëm vitin e kaluar policia e Hamburgut ndaloi disa ngarkesa me kokainë për një vlerë prej 520 milionë Euro.
