Kryeministri Edi Rama ka kërcënuar hapur bizneset, ndërsa ka postuar në rrjet foto nga një prej hoteleve, të cilit i është pezulluar aktiviteti, për shkak të mospërdorimit të kuponit tatimor.
Në postimin e tij, Rama shkruan “luani si miu me macen me shtetin e me konsumatorin, se do ta paguani me qimet e kokës këtë lojë”.
Prej disa javësh, tatimet, policia, dhe institucione të tjera, kanë nisur aksionin kundër informalitetit, lidhur me kuponin tatimor, ndërsa ka pasur kritika lidhur me masat e ndërmarra apo kohën se kur ky aksion ka nisur të zbatohet.
Në kulmin e sezonit turistik, qeveria ka detyruar të mbyllen dhe gjobiten me dhjetra biznese, ndërsa përveç pronarëve të tyre, e kanë pësuar edhe turistët apo pushuesit, që kanë zgjedhur të kalojnë ditët e nxehta në këto subjekte.
Postimi i Ramës
KOKA BEN KOKA PESON dhe nuk thotë kot populli, TAHMAJA E MADHE TE LE PA GJE🤮
Vazhdoni bosa vazhdoni, luani si miu me macen me shtetin e me konsumatorin, se do ta paguani me qimet e kokës këtë lojë; kush më shpejt e kush më vonë, o do futet në Rreshtin e Ligjit dhe s’do prekë lekët e popullit që ka brenda kuponi për çerdhe, kopshte, shkolla, ambulanca, spitale, O DO MBETET ME GISHT NE GOJE🤭
#ZeroTolerancë🤜për këdo që fut duart në xhepat e njerëzve sa majtas e sa djathtas dhe prek arkën e shtetit👊
