Kryeministri Rama ende nuk ka reaguar lidhur me vendimin e DASH për ish-kryebashkiakun e Durrësit, Vangjush Dako të cilit atij dhe familjarëve të tij iu ndalua hyrja për në Amerikë pasi ka dyshime të forta që është përfshirë në raste madhore korrupsioni.
Kryeministri Edi Rama publikoi pak më parë në “Facebook”-un e tij një postim, ku njoftonte se avioni i dytë i “Air Albania” do të fluturojë në fillim të vjeshtës drejt Italisë.
Mirëpo, një ndjekës i ka kërkuar prej tij një koment lidhur me këtë çështje, në postimin që Rama njoftonte se avioni i dytë i “Air Albania” do të fluturojë në fillim të vjeshtës drejt Italisë.
Per lasgushin e morëm vesh qe do fluturoje, po për Vangjushin ke ndonjë koment qe nuk fluturon dot”, e pyet ndjekësi.
Për rrjedhojë, kryeministri ka reaguar lidhur me këtë koment, duke mos iu përgjigjur në mënyrë të drejtpërdrejtë.
“Jo kam nje koment per ty si interist qe perderisa moret nje juventin t’ju nxjerre nga bataku, qepeni gojen dhe rrini urte e thoni Grazie Juve per cdo fitore”, përgjigjet Rama.
