Çdo gjë ka marrë fund s’ka kushtetutë, s’ka shtet, s’ka Institucione, jetojmë në Republikë bananesh. Partia Socialiste me mospjesmarrjen e saj në KQZ ka bojkotuar zgjedhjet dhe Institucionet.Kështu shkruan në një reagim në rrjet, kreu republikan, Fatmir Mediu, pas dështimit të mbledhjes së KQZ-së, ku do të shqyrtohej kërkesa e disa partive të opozitës mbi zgjedhjet e 13 tetorit, bazuar në dekretin e Presidentit, Ilir Meta.
“Mosparaqitja e anëtarëve të KQZ në mbledhjen e sotme është precedenti më i rëndë që nga krijimi i këtij institucioni. Ata sot jo vetëm i kanë rënë ndesh Dekretit të Presidentit në fuqi dhe s’kanë respektuar detyrimin e tyre kushtetues dhe ligjor për të organizuar zgjedhje, por kanë thyer edhe betimin e bërë para Kuvendit kur kanë marrë detyrën”, shkruan Mediu.
Ja postimi i tij i plotë:
Çdo gjë ka marrë fund s’ka kushtetutë, s’ka shtet, s’ka Institucione, jetojmë në Republikë bananesh.
“Partia Socialiste me mospjesmarrjen e saj në KQZ ka bojkotuar zgjedhjet dhe Institucionet.”
Mosparaqitja e anëtarëve të KQZ në mbledhjen e sotme është precedenti më i rëndë që nga krijimi i këtij institucioni. Ata sot jo vetëm i kanë rënë ndesh Dekretit të Presidentit në fuqi dhe s’kanë respektuar detyrimin e tyre kushtetues dhe ligjor për të organizuar zgjedhje, por kanë thyer edhe betimin e bërë para Kuvendit kur kanë marrë detyrën.
Ky është shkak për shkarkimin e tyre të menjëhershëm. Kuvendi duhet të mblidhet menjeherë e të marre masa. Duke mos u paraqitur ata kanë zhveshur veten nga zyrtarë apolitike dhe kanë marrë hapur krah politik, si celul e Partisë Socialiste.
Opozita ka përgjegjesinë historike për të gjetur zgjidhje, në partneritet me faktorin Ndërkombetar dhe shqiptarët.
