Edi Rama ka vazhduar edhe gjatë ditës së sotme, të pulikojë postime dhe reklama lidhur me vazhdimësinë dhe punën e kompanisë Air Albania.
AIR ALBANIA DREJT QIEJVE TË EUROPËS shkruan Rama në facebook.
Nisin me Italinë në fillim vjeshtë, fluturimet e kompanisë kuqezi drejt qiejve të Europës. Hë tani jepini, filloni shani e përqeshni sa të doni, si zakonisht. Po të paktën, futeni mirë në kokë, se kur unë them KJO DO BËHET, është vetëm çështje kohe, pune, mundimi e durimi, por fjalën time s’e merr kurrë era
Dhe mos e harroni, se nga e thëna në të bërë është në mes një det i tërë; herë i ngushtë e herë i gjerë, herë i qetë e herë me trazime që të vonojnë; nganjëherë edhe me furtuna e tallaze që të ndryshojnë trajektoren, po jo qëllimin nëse nuk dorëzohesh. Prandaj BESIM dhe DURIM miq, se do t’i bëjmë, së bashku, të tëra ato që kemi në dorë t’i bëjmë për Shqipërinë që duam.
Sic duket kreu i qeverisë është ezauruar nga çdo lloj problemi që i është dashur të kalojë gjatë mandatit të tij të dytë. Tanimë i gjithëdituri që drejton Shqipërinë ka nisur edhe halucinacionet duke harruar se ç’thotë nga një dalje publike në një tjetër. Vetëm pak kohë më parë trumpetonte çmimet e ulta të linjës ajrore më ‘të paparë’ shqiptare, linjë kjo që nuk e pa e s’i hypi asnjë shqiptar veç ‘lëpirësve’ të Ramës.
Sot, ky i fundit e pranon se këto çmime vërtetë s’kanë qenë më parë ama do të bëhen. Sepse kreu i qeverisë nuk ka më asnjë shqetësim tjetër veç turizmit dhe statuseve në Facebook sa për sy e faqe.
