Visar Bekaj, portieri 22-vjeçar i Prishtinës në Ipko Superliga e Kosovës është gati të përjetojë ëndrrën më të madhe në hapat e tij të para drejt karrierës sportive.
Sipas “Gazeta Olle”, Hoffenhenmi është gati për t’i ofruar mundësinë e artë 22-vjeçarit.. Bisedimet për këtë transferim janë ndihmuar edhe nga vetë presidenti i klubit të Prishtinës, Remzi Ejupi, që do të përbëj edhe një transferim historik për futbollin dardanas. Nuk dihen ende kushtet e kontratës apo vlera e transferimit por një gjë është e sigurtë, Bundesliga do të pasurohet me një tjetër lojtar shqiptar.
Skuadra e Hoffenheim është një nga ekipet mesatare në kampionat. Vitin e kaluar gjermanët luajtën në grupet e Champions League. Ndërsa këtë vit Hoffenheim ishte fare pranë fazës së “Play Off”, këtë herë për “Europa League”. Në organikën e skuadrës janë tre portier, dy prej të cilëve nga 34 dhe 35 vjeç. Bekaj do të jetë portieri me moshën më të re në ekip çka do i sigurojë një investim mjaft të madh nga ana e klubit për të ardhmen e tij.
