Një ditë më parë u raportua një ngjarje e rëndë, kur një punonjës i Policisë Bashkiake të Erjon Veliajt goditi me grusht në bark një grua shtatzënë.
Ngjarja ndodhi në zonën e Laprakës, ku gjatë ditës së djeshme pati një përplasje mes pronarëve të disa dyqaneve dhe policisë bashkiake, për shkak të disa kangjellave që po vendoseshin përgjatë trotuarit, duke bllokuar hyrjen e bizneseve.
Njoftimi i policisë:
Tiranë
Kundërshtuan me dhunë shërbimet e Policisë Bashkiake, vihet në pranga një shtetas dhe procedohet në gjendje të lirë një tjetër.
Specialistët për Hetimin e Krimeve në Komisariatin e Policisë Nr.6, bënë arrestimin në flagrancë për veprën penale “Kundërshtimi i punonjësit që kryen një detyrë shtetërore ose një shërbim publik”, të shtetasit:
M. A., 32 vjeç, banues në Tiranë.
Ky shtetas dhe disa persona të tjerë, më datë 31.07.2019, gjatë vënies së disa kangjellave në trotuarin e rrugës “Dritan Hoxha”, kanë goditur me grushta njërin nga punonjësit e policisë bashkiake dhe i kanë penguar ata për kryerjen e detyrës.
Gjithashtu u procedua në gjendje të lirë shtetasja E. H., 35 vjeç, banuese në Tiranë për veprën penale “Kundërshtimi i punonjësit që kryen një detyrë shtetërore ose shërbim një publik”.
Vijon puna për vënien para përgjegjësisë penale dhe për persona të tjerë të përfshirë në këtë ngjarje.
Materialet në ngarkim të këtyre shtetasve u referuan në Prokurorinë e Rrethit Gjyqësor Tiranë për veprime të mëtejshme .
