Presidenti i Republikës, Ilir Meta, bëri apel një ditë më parë që institucionet të raportojnë për gjendjen e tërmeteve në vend, pas parashikimeve të frikshme të ardhura nga Greqia, të cilat raportonin se Ballkani mund të goditet nga tërmete apoliptike.
Një ditë pas deklaratave të ,metës, të cilat nga një pjesë e politikës nuk e morën seriozisht, sot qyteti i Korçës është goditur nga dy tërmete.
Ndërkohë që pas tërmeteve ka ardhur dhe reagimi i ish-ministtrit Edmond Panariti, i cili apelon q të merren seriozisht paralajmërimet e Metës.
Sipas tij, tërmeti i minutave të fundit tregon edhe një herë se paralajmërimi i presidentit Ilir Meta duhet marrë seriozisht.
“Sapo ra termet i fortë në Korçë..!Merreni seriozisht apelin e presidentit dhe sidomos shiheni mirë hartën poshtë, ajo është e 2019, reale dhe kërcënuese. Filloni lëvizni, sa nuk është vonë…”, shkruan ish ministri Panariti në Facebook.
Për të njëjtën temë, Panariti reagoi edhe dje duke publikuar edhe një hartë, sipas së cilës, Shqipëria ishte vendi më i rrezikuar nga tërmetet në Europë.
