Policia e Shtetit bëri të ditur sot arrestimin e 3 personave të dyshuar për gjobëvënie ndaj një biznesmeni në Durrës.
Operacioni policor që çoi në pranga Lulzim Zallën 45 vjeç, banues të Fushë Krujë, Klodian Estrefin 40 vjeç, banues në Xhafzotaj, dhe Egi Shullazin, 26 vjeç, banues në Krujë, u finalizua pasi ata kishin marrë 5 mijë euro, nga një shumë prej 50 mijë euro që ia kishin vendosut biznesmenit N.L.
Pamjet e publikuara nga policia tregojnë momentet e operacionit, ku policë të maskuar, të veshur me antiplumb dhe me armë automatike, ndërhyjnë dhe arrestojnë të dyshuarit.
Sipas njoftimit të policisë, 45-vjeçari Zalla, konsiderohej person me rrezikshmëri të lartë në fushën e krimit ndaj personit, çka duket se oficerët që morën pjesë në aksion kishin marrë masa të larta sigurie, pavarësisht ndërhyrjes së befasishme në arrestimin e tyre.
Ndërhyrja e forcave speciale të policisë ka ardhur pasi më parë ishin aplikuar metodat speciale të hetimit ndaj tre të dyshuarve për gjobëvënien.
Mos lëvizni…/ Operacioni që çoi në pranga gjobëvënësit. i kishin marrë 5 mijë euro, prisnin edhe…
