Dy të rinj kanë rënë në prangat e policisë të akuzuar për abuzim seksual të një djali 13-vjeçar në Tiranë. Të arrestuarit janë 20 vjeçari me iniciale V. H., dhe 21-vjeçari me iniciale F. H.
Në kërkim është shpallur 45-vjeçari me iniciale B. M., i cili dyshohet se po ashtu abuzoi seksualisht me të miturin. Ngjarja u zbulua pas denoncimit të tezes së të miturit për grabitjen e banesës së saj.
Të rinjtë dyshohet se abuzuan seksualisht me të miturin duke e ftuar në banesë, gjoja për të luajtur video-game. Më pas të rinjtë kanë realizuar dhe një video me të cilën e kanë shantazhuar se do e publikonin në rrjetet sociale.
Raportohet se dy të rinjve i është bashkuar dhe një 45 vjeçar, i identifikuar si Bledar Matja. Më pas ata e kanë kërcënuar të miturin, duke i kërkuar një shumë prej 5 mijë eurosh.
Më tej 13-vjeçarin, i cili po qëndronte tek tezja e tij, të tre personat e kanë kërcënuar dhe i kanë marrë çelësat e shtëpisë, të cilën më pas e kanë grabitur.
Tezja e të miturit ka bërë denoncimin në polici.
Policia ka vënë re se grabitja ishte kryer pa thyer derën e shtëpisë dhe morën në pyetje familjarët se kush kishte çelës të derës, ndërkohë që një çelës të shtëpisë e mbante edhe 13 vjeçari.
Ai ka rrëfyer më tej në polici ngjarjen shokuese.
