Pjesë e biznesit të pisët të 3 landifilleve të mbetjeve urbane në Tiranë, Elbasan e Fier, është dhe “trusti” monopol i transportit të dherave e mbetjeve ndërtimore, që realizohet me vendim të posaçëm të qeverisë e me dhunë të bashkive, tatimeve, IKMT-së, policisë së shtetit e me grupe të fortësh, që survejojnë e kërcënojnë investitorët e ndërtimit, duke folur në emër të kryeministrit, ministrave, deputetëve, kryepolicëve e drejtorëvë të njohur si pjesë e klanit të Edi Ramës, ndërkohë që këta të fortë, janë pajisur e lejohen të qarkullojnë me makina me targa false.
Përveç presionit dhe korrupsionit të shefave të pushtetit, bizneset e ndërtimit, po terrorizohen e zhvaten dhe nga banda “Mërtiri- Nallbani- Zoto”, dy të parët eksponentë me precedentë kriminalë brenda dhe jashtë vendit, ndërsa i treti, Klodian Zoto, kryehajdut i “Telecom” me dosje penale, koncesionar i 3 landfilleve përgjatë zonës Tiranë-Durrës-Elbasan-Fier-Vlorë.
Sipas fakteve të denoncuara nga “PAMFLETI”, bëhet fjalë për transportin e dherave dhe inerteve, që dalin si “mbetje” nga aktiviteti ndërtimor, të cilat deri në fund të muajit maj 2015, bizneset i evadonin me mjetet e tyre, duke i çuar në “pikat e grumbullimit”, të caktuara nga bashkitë dhe ish-komunat, sipas Ligjit Nr .9010, date 13.2.2003, ndryshuar me Ligjin Nr.10 137, datë 11.5.2009.
Por, qysh prej muajit qershor 2015 e në vazhdim, bizneset e ndërtimit të çdo lloji objekti privat e investimi publik, detyrohen, që dherat dhe mbetjet inerte, t’i evadojnë vetëm me firmën koncesionare “Integrated Energjy B.V” (3 landfillet Tiranë-Fier-Elbasan), mbasi kështu ka vendosur Edi Rama, me VKM Nr. 575, datë 24. 06. 2015, duke nxjerr vendim, mbi ligjin!
Ky vendim klientelist, është miratuar për të maskuar zhvatjen e dhunshme, që u bëhet biznesve të ndërtimit me bashki, tatime, polici e IKMT, në favor të bandës mafioze “Mërtiri- Nallbani -Zoto, të cilët e kanë kthyer këtë lloj hajdutërie, në biznes monopol, pasi firmat, të tmerruara e nën presion gjobash, sekuestro e heqje licencash, detyrohen ta bëjnë transportin e dherave, vetëm me këtë bandë.
Gjithë kjo skemë, nuk ka asnjë lidhje me standardet mjedisore, por vetëm me fitimet miliona euro, pasi pazari është ndarë kështu: Mërtiri dhe Nallbani marrin 60% të vlerës së ardhur nga transporti, ndërsa Klodian Zoto i 3 landifilleve që ka dhe automjetet, merr 40% të vlerës së transportit dhe regjistron, volumin e dherave e inerteve, si sasi mbetjesh në landfille, për të marë pagesat nga bashkitë.
Ai që ka shpikur këtë lloj biznesi, me përmbajtje të hapur vepër penale “shtrëngim për marrje pasurie me përdorim stampash e aktesh zyrtare”, është Benard Nallbani nga Fieri, dënuar për trafik femrash e droge në Itali, me lidhje të forta në politikën shqiptare.
Ndërsa Klodian Zoto, “pinguini” i koncesionit të 3 landfilleve ku 70% të fitimit e marrin Linda Rama, Vilma Nushi, Erjon Veliaj, Damian Gjiknuri, me këtë të fundit ka lidhje të vjetra që përpara vitit 2005 kur Zoto ishte këshilltar në ministrinë e Mbrojtjes, kur Gjiknuri ishte Sekretar i përgjithshëm dhe Pandeli Majko, ministër.
Ish- ministrin e Financave Arben Ahmetaj, e përfaqëson në këtë biznes Klodian Mërtiri nga Tepelena, trafikant i drogës “greke”, familjar i deputetit Alekt Hyseni, i cili ka “thelën” e vet në transportin e dherave.
Sot, po publikojmë tre nga skemat që përdoren hapur nga banda “Mertiri- Nallbani- Zoto”, për të realizuar biznesin e transportit të dherave e mbetjeve inerte, vlera e të cilit, në disa dhjetëra milionë euro në vit.
Ja 4 skemat mafioze të shtetit, në shërbim të bandës së dherave e mbetjeve inerte
- Kryebashkiakët në Tiranë, Durrës, Elbasan, Librazhd, Lushnjë, Fier, Roskovec, Patos, Vlorë e në bashkitë që janë rrotull landfilleve, kanë angazhuar grupe policie bashkiake, që kontrollojnë e imponojnë ndërtuesit, madje dhe investitorët familjarë, që dherat dhe mbetjet, t’i transportojnë me firmat e landifilleve, duke u prezantuar përfaqësuesit e bandës: Klodain Mërtirin dhe Benard Nallbanin, të cilët mbikëqyrin kamionoët e firmave, që të mos u shmangen.
- Dy “kodoshët” Klodian Mërtiri e Benard Nallbani, kanë krijuar grupe survejimi si agjentë (dedektivë privatë), me makina me targa false e individë anonim, që gjurmojnë kamionët e bizneseve dhe për çdo rast devijimi, ia raportojnë policive bashkiake.
- Kur ndeshet kundërshtimi i pronarëve, ose shoferëve të biznesve, atëherë ndërhyn Bernard Nallbani, i cili, me viston e dhënë nga Ardi Veliu, ka akses urdhërues mbi policinë e shtetit (rrugore-grup i gatshëm), për ndërhyrje e veprim, me “metodat” që dinë ata.
- Nëse firmat e ndërtimit, nuk pranojnë t’i transportojnë dherat me bandën e “tre musketierëve” në landfille, kryetarët e bashkive i detyrojnë, t’i çojnë në 5-6 pika grumbullimi skajore, të sajuara e miratuara qëllimisht për presion, në zona malore e skajore të bashkive, me rrugë gërmadhë e distancë 5-15 herë më të largët, se landfillet e “pinguinit” Klodian Zoto.
/Pamfleti/
https://www.youtube.com/watch?v=ztGHY1OxYI8
