Vangjush Dako ka reaguar menjëherë sapo Departamenti Amerikan i Shtetit i ndaloi hyrjen në SHBA. Dako u shpreh shkurtimisht për mediat se nuk ka asnjë informacion për vendimin dhe tha se nuk mund ta komentojë.
“Nuk kam asnjë koment. Nuk di asgjë për vendimin”, u shpreh Vangjush Dako i pyetur nga News 24.
Departamenti i Shtetit ndalon hyrjen në Shtetet e Bashkuara të Kryetarit të Bashkisë së Durrësit Vangjush Dako dhe anëtarëve të familjes së tij.
Vendimi, i marrë nga Sekretari i Shtetit, thekson se kryetari i bashkisë Dako është përfshirë në raste madhore korrupsioni.
Në bazë të ligjeve amerikane, kur Sekretari i Shtetit, ka informacione të besueshme se një zyrtar i huaj është përfshirë në raste madhore korrupsioni, ose shkelje të të drejtave të njeriut, atij dhe familjes së tij të ngushtë i ndalohet hyrja në Amerikë.
Vangjush Dakos dhe familjes së tij i ndalohet hyrja në Shtetet e Bashkuara
