Komisionit i Venecias ka futur në axhendën e tij shkarkimin e presidentit Ilir Meta.Kërkesa e Kuvendit është marrë në konsideratë nga Komisioni dhe është futur në kalendarin e punimeve.
Pritet që mbledhja më e afërt e Komisionit të Venecias të jetë në tetor. Por përpara letrës përfundimtare ku komision pritet që të japë një opinion të ndërmjetëm. Me shumë gjasa gjatë muajit shtatorit ky opinion do të jetë në dorën e Kuvendit dhe do të shfrytëzohet nga mazhoranca. Çështja për shkarkimin e Presidentit Ilir Meta tani është në fazën e Komisonit Hetimor.
Gjatë muajve të fundit ka pasur një përplasje e cila vijon ende mes Presidentit Ilir Meta dhe kryeministrit Edi Rama. Pasi opozita nuk njohu zgjedhjet e 30 qershorit dhe vijonin protestat, Meta nxori një datë të re për zgjedhjet, 13 tetorin. Për dekretin e parë të anulimit të datës së zgjedhjeve, Presidentit nuk iu bind KQZ-ja dhe Kolegji Zgjedhor e rrëzoi. Vendi u fut në zgjedhje. Nga ana tjetër Rama shfaqet i vendosur se zgjedhjet e vetme ishin më 30 qershor. Njëkohësisht nga ana e socialistëve ka nisur edhe procedura për shkarkimin e Metës. Disa ditë më parë u ngrit edhe Komisioni Hetimor për shkarkimin e Presidentit. Rama e quan Metën armik të Kushtetutës.
