Gjatë konferencës për shtyp kryeministri Rama ka folur lidhur me aksionin që do të ndërmarrë qeveria ndaj të gjithë atyre personave që do të abuzojnë me produktet ushqimore. Rama tha se do të ketë ndëshkime për ata që do të abuzojnë duke përfshirë edhe heqjen e lirisë.
“Dua ta theksoj se jemi në një fazë të re, luftë pa kompromis për garancinë ushqimore. Kuvendi miratoi sanksionet për abuzusesit dhe janë tepër të rënda. Do të kemi raste shembullore goditjesh që nuk ia uroj asnjë sipërmarrësi. Por askush nuk duhet të harrojë se tanimë janë një sërë sanksionesh me heqje lirie për ata që abuzojmë me ushqimin. Kemi 16 ha më shumë tokë të ujitur. Përtej të gjithë situatës aspak inkurajuese kemi rritje 11% të vizitorëve të huaj, 2.3 milione për 6-mujorin e parë. Në Shqipëri ka 230 hotele më shumë sesa një vit më parë. Theksoj se nuk mjafton, vazhdojmë të punojmë për të siguruar një volum të rëndësishëm në turizëm. Jemi duke diskutuar intensivisht për disa projekte të mëdha që t’i materializojmë në kontrata,”– tha Rama.
