Mesnatën e së dielës, një ngjarje e rëndë ka ndodhur në Jalë, pranë një ndër klubeve më të frekuentuara të jugut.
Rreth orëve të para të mëngjesit ka pasur të shtëna dhe përplasje me armë, ku kanë mbetur dhe të plagosur.
Në hyrjen e klubit, edhe pse ka pasur forca sigurie, asnjë nuk ka bërë kontrolle për armë, gjë që çoi dhe në situatën tmerruese.
Burime për Blitz.al kanë treguar momentet e terrorit ku rreth orës 3 janë dëgjuar të shtënat. Më pas njerëzit në kaos ulërinin,vraponin dhe shtriheshin në tokë, ndërsa shumica janë larguar drejt tualetit të frikësuar dhe kanë qëndruar të mbyllur aty deri në orët e para të mëngjesit.
Kudo shkallët ishin të mbuluara me gjak dhe policia ka mbërritur vetëm në orën 5 të mëngjesit, për të shqyrtuar ngjarjen.
Nga policia apo mediat ende nuk ka një raportim zyrtar. /Blitz.al/
