Ditën e nesërme pritet një situatë e tensionuar në bashkinë e Kavajës.
Rreth orën 10:00 është parashikuar të organizohet mbledhja dhe konstituimi i Këshillit të Ri të Bashkisë Kavajë dalë nga votimet e 30 Qershorit dhe marrja e mandatit të Kryetarit të kësaj bashkie nga socialisti Redjan Krali.
Por kryebashkiaku aktual Isa Sakja ka deklaruar se nuk i njeh votimet e 30 qershorit dhe së bashku me simpatizantët e PD-së kanë paralajmëruar një protestë, pikërisht 30 minuta para fillimit të procedurave për marrjen e kësaj bashkie nga të majtët.
Partia Demokratike e Kavajës, nëpërmjet një njoftimi, ka ftuar qytetarët e Kavajës që t’i bashkohen protestës përpara godinës së Bashkisë.
Njoftimi i PD Kavajë
“Asnje hap pas!
Te nderuar qytetar dhe qytetare te Kavajes!
Diten e neserme ne oren 09:30 ju ftojme te gjitheve perballe Bashkise se qytetit te protestojme dhe te bllokojme proçesin ilegiitim te farses se votimeve te 30 Qershorit!
Te gjithe se bashku ne zbatim te dekretit te Presidentit te Republikes ti themi ndal instalimit te diktatures ne vendin tone.
Bashkia eshte e qytetareve.
