Eduart Ndocaj, kandidati për kryebashkiak të Lezhës në votimet e 30 qershorit, ka paralajmëruar Pjerin Ndreun, fituesin e shpallur nga ky proces, lidhur me marrjen e mandatit.
Ndocaj shkruan në rrjet se është fitues i 30 qershorit, por Ndreu manipuloi rezultatin.
“Kryebashkiaku i vetëshpallur, më i pa vlerë në Shqipëri, është Pjerin Ndreu, me 9 % të votave të 110 mijë lezhianëve.
Nga këta, 5 % i detyroi duke i kërcënuar me bukën e gojës, administratën e rreshtoi sin ë kazermë ushtrie dhe 4 % i bleu si derrat në Milor.
Vjedhja e votave që i bëri rivalit të tij Eduart Ndocaj, që ishte fitues i padiskutuar, do të jetë një mallkim për këtë ordiner, të cilin Lezha s’do e pranojë kurrën e kurrës si administratorin e problemeve të saj.
Lezha nuk e ka luksin të pranojë një kryebashkiak të shpallur ndërkombëtarisht hajdut”, shkruan Ndocaj.
