Për shkak të motit të keq Bashkia Shkodër iu ka bërë thirrje qytetarëve që të mos futen në ujë pasi deti është shumë i trazuar.
NJOFTIMI:
Bashkia e Shkodrës bën me dije se ndryshimi i papritur u motit orët e fundit, ka shkaktuar anomali të shumta në shumë pjesë të territorit dhe veçanërisht në Plazhin e Velipojës.
Deti vazhdon të jetë shumë i trazuar dhe dallgët të larta e të rrezikshme. Në këto kushte, i bëjmë thirrje të gjithë personave që janë në plazhin e Velipojës të shmangin futjen në det!
Vrojtuesit e plazhit vazhdojnë të jenë në gatishmëri. Angazhimi dhe kujdesi juaj është i nevojshëm në situatën e vështirë të motit në plazhin e Velipojës.
Një ditë më parë dy persona humbën jetën pasi u mbytën në Durrës. Viktimat ishin, një 50-vjeçare dhe një 33-vjeçar.
