Ish-deputetja demokrate, Albana Vokshi, ka denoncuar vendimin për kalimin e Kopshtit Botanik nën administrimin e Bashkisë së Tiranës dhe Erjon Veliajt.
“Edi Rama ka vendosur të betonizojë edhe një nga parqet e vetme në Tiranë. Edi Rama i ka rrëmbyer Tiranës çdo hapësirë të gjelbër, çdo fushë sportive.
Dekanati i Shkencave të Natyrës, studentët dhe sindikata e fakultetit kanë kundërshtuar këtë vendim të Edi Ramës.
Ky është një vendim që në fakt ka pas tij një plan jo vetëm për betonizimin, por edhe pastrimin e parave të drogës dhe krimit.
Ky vendim nuk ka lidhje me arsimin, por me përfitimet private dhe personale të Ramës dhe Erjon Veliajt.
Kopshti Botanik ka një sipërfaqe prej 15 ha, ka rreth 2 mijë specie të ndryshme bimore, dhe shërben për shkencën shqiptare, pedagogët dhe studentët e FSHN.
Ndaj i ftoj studentët, pedagogët dhe qytetarët e Tiranës të reagojnë për të mbrojtur një pronë publike, që të mos shndërrohet në një lavatrice të parave të pista”, tha Vokshi.