Brunilda Lahe, moderatorja e njohur shqiptare, në emisionin e fundit për këtë sezon, “My living”, zgjodhi të ndajë një lajm me ndjekësit e saj në rrjet, ndërsa u përlot kur njoftoi se do të bëhet nënë.
“Arsyen përse nuk do të jem sezonin që pason në moderimin e “My Living” zgjodha t’a ndaja së pari me shikusin e programit që e dua shumë dhe i jam përkushtuar pa rezerva.
Për 4 vjet me “My Living” kam takuar njerëz të mrekullueshëm, të cilët me kanë mësuar shumë. Kam takuar njerëz të thjeshtë, por që u bënë personazhe të njohur falë stilit apo talentit që kishin.
Takimet me ta më kanë pasuruar. Këtë vit Living mbaroi dhe në sezonin e ardhshëm do të ketë ndryshime. Unë do takoj dikë tjetër që do më mësojë edhe më shumë.
Do të takoj një krijesë të mrekullueshme, e cila do më lumturojë në jetën time. Takimi me të është gjëja më e jashtëzakonshme që po më ndodh! Eshtë bebja që pas disa muajsh do ta sjell në jetë.
Ju uroj të gjithëve lumturi dhe pushime të gëzuara! Mirë u takofshim”, shkruan moderatorja.
