Kryetari i PD-së, Lulzim Basha, prej një jave ka ngarkuar në detyrën e këshilltarit të tij, Roland Bejkon, ish-kryetarin e degës së PD Gjirokastër dhe aktualisht pedagog.
“Bejko ka formimin e duhur në fushën e administrimit publik pasi jo vetëm ka mbaruar ENA-n franceze, njërën nga shkollat më të mira në Evropë në këtë drejtim, por edhe se ka një përvojë të gjatë në ceshtjet e qeverisjes vendore.
Ai do të shërbejë si koordinator për rishikimin e reformës territoriale dhe decentralizimit si dhe do të merret me të gjitha çështjet e pushtetit lokal në hartimin e programit të Partisë Demokratike së bashku me një grup të mirë ekspertësh të fushës”, tha Basha gjatë një takimi në Gjirokastër.
I kontaktuar nga redaksia e Jugunews.net, Bejko tha se është kënaqësi të punoj sërish pranë z. Basha, ashtu si vite më parë në Ministrinë e Brendshme, kohë kur pas një pune të lodhshme voluminoze, por të frytshme, nën drejtimin dinamik dhe profesional të tij, u mundësuam shqiptarëve lirinë për të lëvizur pa viza në Evropë.
