Në sallën e Teatrit Kombëtar, hapësirë e cila është ri-marrë në dorë nga qytetarët dhe aktivistët e Aleancës për Mbrojtjen e Teatrit, u dha mbrëmjen e sotme shfaqja-protestë “Marr guximin”, një monodramë e rivënë në skenë nga aktori Mehdi Malka.
Edhe pse në kushte të këqija, me mungesën e energjisë elektrike (për të cilën u mendua të përdorej gjeneratori), salla ishte e mbushur. Atmosfera ndihej elektrizuese. Me të qeshurat spontane dhe duartrokitje përgjatë gjithë performancës. Dhe sigurisht në fund të shfaqes. Një shpërthim i kombinuar emocionues përplasje duarsh dhe brohorimash, lule dhe përfaqime në skenë për aktorin Mehdi Malka.
U dëgjuan gjithashtu thirrje “Rama ik”.
Në fund të shfaqes, aktori citoi profesorin e tij Kadri Roshi dhe dha një mesazh.
“Profesori im Kadri Roshi më ka mësuar të them’ kam shumë borxhe, s’ja u shlyet dot, por përpiqem t’ia u zvogëloj’. Se di, kjo shfaqe është një ëndërr, çudi, marrëdhënie, ku e di unë çështje kjo. Faleminderit”, tha Malka.
“Thonë se hajdutët mbasi panë një shfaqe teatri vajtën u dorëzuan në polici. Kjo është detyra e teatrit, të edukojë popullin e tij”, shtoi.
Aktiviteti i sotëm shënoi rihapjen e Teatrit Kombëtar një vit pasi qeveria vendosi për shembjen e godinës dhe tjetërsimin e truallit përreth në kulla shumëkatëshe dhe një teatër të ri.
Para shfaqes, aktivistë të Aleancës për Mbrojtjen e Teatrit thanë se përgjatë gjithë gushtit do të ketë shfaqe të tilla. Ata paralajmëruan nxjerrjen e një kalendari që do të tregojë aktivitetet e ardhshme. /BN/
https://www.facebook.com/portali.syri.net/videos/464543267714244/
