Rezistenca e artistëve dhe aktivistëve për mbrojtjen e Teatrit Kombëtar vazhdon.
Në protestën e mbrëmjes, aktori Edmond Budina gjatë fjalës së tij iu “hakërrue” dy kolegëve të tij që e kishin akuzuar se nuk donte që të shembej Teatri pasi ishtë i politizuar.
Gjithashtu aktori i dërgoi një mesazh edhe kolegëve të tjerë që mund të kenë ndryshuar mendjen lidhur me çështjen e Teatrit, duke nisur nga Robert Ndrenika
“Më dilni para se ju njoh mirë. Jeni nja dy ju. Na keni akuzuar për të blerë dhe të politizuar. Dilni para dhe na i thoni. Ishim këtu për të mbrojtur Teatrin. Kemi marrë mbështetje nga PD? Bravo na qoftë. Ata po mbojnë kulturën shqiptare dhe ne do t’i mbështesim. Nëse nuk i respektojnë paktet ne do të jemi kundër tyre. Nuk kemi ç’bëjmë. Kjo është e vërteta. Nëse ndryshoni mendjen, këtu jeni të mirëpritur. Bravo Rajmonda. Edhe Bertin e presim, e kam vlla e kam shok edhe mik,“-tha Budina.
Dje, ishte Guljem Radoja i cili iu drejtua Ndrenikës se përse nuk protestonte për Teatrin. Ky i fundit iu përgjigj se nuk ishte mirë me shëndet. Artisti i njohur shprehet se nuk është shitur, ndërsa me ironi shton se ka “marrë 200 mijë euro”.
