Gjyqtarja e Krimeve të Rënda, Nertina Kosova është konfirmuar në detyrë dhe nga Komisioni i Posaçëm i Apelimit. Sot në ambientet e KPA, është zhvilluar seanca dhe është lënë në fuqi vendimi i KPK.
Në seancën e kaluar, Komisioneri Publik konstatoi se subjekti i rivlerësimit arriti të provojë të gjitha shkaqet e ankimit, pasi u shqyrtuan rreth 70 prova të reja të sjella prej gjyqtares Kosova në Kolegj.
Apeli i Komisionerit Publik kundër vendimit të KPK për konfirmimin e Nertina Kosovës bazohej kryesisht në burimin e ligjshëm të 1 milion lekëve me të cilat ajo në vitin 2006 kishte paguar një prej kësteve për blerjen e shtëpisë.
Duke iu referuar faktit se ishin dy kontrata porosie të nënshkruara, Komisioneri tha se duhej hetuar për një shumë prej 1.5 milion lekësh që Kosova kishte përdorur në kontratën e parë të porosisë, e cila më pas ishte prishur. Komisioneri pretendoi se ky transaksion nuk ishte deklaruar në vitin 2005 kur edhe kishte ndodhur.
Komisioneri pretendoi se kishte një sërë mosdeklarimesh prej Kosovës, përfshi mosdeklarimin e këtyre kursimeve dhe po ashtu sipas tij KPK nuk kishte hetuar burimin e ligjshëm të të ardhurave të babait të saj, që sipas Ballhysës rezultonte si personi që i kishte dhënë asaj cash dhe përmes bankës, në shumën 1 milion lekë. Ai tha se si babai i gjyqtares ashtu dhe e ëma kishin të ardhura modeste
