Modelja shqiptare Emina Cunmulaj ka publikuar në profilin e saj në Instagram disa video ku duket një djalë i ri, i cili i ndjek vajza për disa metra dhe sapo mbeteshin vetëm i ngacmonte seksualisht duke i prekur dhe puthur pa dëshir.
Në rrjetin e saj social Emina ka shpërndarë tre nga videot e kapura nga kamerat e sigurisë, të cilat janë filmuar në kohë të ndryshme por mesa duket asnjë masë nuk është ndërmarrë ndaj manjakut seksual.
“Çfarë kam publikuar është shumë shqetësuese por duhet të flitet për të pasi duhen marrë masa ndaj atij mostrës. Këto video i drejtohen Kosovës dhe veçanërisht policisë së Prishtinës që duhet ta arrestojnë dhe ta fusin në burg atë kriminel,”-shkruan modelja.
