Pasditen e kësaj të enjte, një restorant është përfshirë nga flakët në qytetin e Elbasan. Restoranti ndodhet pranë stadiumit “Elbasan Arena’.
Zjarri mësohet se ka ardhur nga kuzhina për shkak të pakujdesisë, ndërkohë fatmirësisht nuk raportohet për të lënduar por vetëm dëme materiale.
Burime bëjnë me dije se forcat zjarrfikëse kanë mbërritur në vendngjarje dhe po luftojnë për shuarjen e flakëve.
Ngjarja ka alarmuar qendrën e qytetit, duke krijuar panik tek banorët e zonës.
