Prishja e Teatrit Kombëtar me vendim të qeverisë së drejtuar nga kryeministri Edi Rama nuk do të lejohet nga komuniteti i artistëve të mbështetur edhe nga opozita.
Mbrëmjen e së mërkurës, kryedemokrati Lulzim Basha ishte në mesin e aktorëve, pikërisht në momentin kur policia u tërhoq nga rrethimi i godinës dhe prej andej bëri një deklaratë në mbështetje të kauzës së Aleancës për Mbrojtjen e Teatrit. Basha tha se gjatë ditës së sotme do të nënshkruaj një marrëveshje me artistët për mbrojtjen e teatrit.
Thirrjes për mbështetje i janë bashkuar edhe të rinjtë nga forumi i PD-së në Rrethe. Mësohet se me makinë private të rinj nga qytete te ndryshme të vendit janë nisur drejt kryeqytetit për të qenë të pranishëm në orën 11:30 kur do të nënshkruhet edhe marrëveshja.
