Policia greke ka arrestuar disa shqiptarë, si pjesë e një grupi kriminal, që kryenin grabitje në zonën e Atikës.
Shqiptarët grabisnin vilat dhe apartamentet në Athinë, ndërsa mbi ta rëndojnë disa akuza si vrasje në tentativë, organizatë kriminale, grabitja e kryer në bashkëpunim, vjedhja, përvetësimi i pasurisë së paligjshme, mbajtja e armëve të zjarrit dhe ato të ftohta, si dhe shkelje e ligjit për emigracionin.
Preh e grabitësve kanë rënë edhe emra të njohur në Greqi si këngëtarja Nikos Vertis, menaxheri i arteve Tony Mavridis, pronari i klubit të natës Steve Kaketsis dhe biznesmenia Teta Kamboureli.
Grupi akuzohet për nëntë vjedhje me armë, vjedhjen e 18 makinave, dhe për 3 tentativa vrasjeje. Ata janë përgjegjës edhe për sulm me armë ndaj policisë.
Hetuesit po kryejnë hetime, pasi ka dyshime se shqiptarët e arrestuar janë përfshirë në shumë vepra të rënda. Banda u shkatërrua që më 2017, ndërsa tashmë pritet hetimi i tyre për çdo vepër.
