Deputeti i Kuvendit të Kosovës, Milaim Zeka, mbrëmjen e djeshme në TV Dukagjini, ka deklaruar se Gjykata Speciale është nënçmuar nga ata që e kanë krijuar këtë gjykatë.
Ai ka folur për Kryetarin e partisë me të cilën edhe u fut në Kuvend, Fatmir Limajn.
“Për shembull në mesin e atyre që janë tallur me Gjykatën Speciale ka qenë edhe Fatmir Limaj, të cilit i kam dhënë informacion se do marret në pyetje”.
Zeka ka folur edhe për Jakup Kranisiqin të cilin së fundi e ka ftuar Gjykata Speciale në intervistë si i dyshuar.
“Deri në armiqësi kam kaluar me Jakup Krasniqin, ditën kur më ka bastisur policia speciale e EULEX-it. Unë kam thënë para gazetarëve që ka deklarata të çuditshme rreth Jakup Krasniqit dhe të cilat unë i kam kundërshtuar, sepse dy femra kanë deklaruar përpara hetuesve të Gjykatës Speciale se gjatë qëndrimit të tyre në burg, Jakup Krasniqi ua ka prerë buzët me gërshërë. Unë nuk i kam besuar në mënyrë absolute” , ka thënë Milaim Zeka.
