Lulzim Basha, kryetar i PD-së, tha nga Kukësi se shumica e shqiptarëve thanë në 30 qershor “Rama ik”.
Në vijim të takimeve me qytetarë dhe mbështetës të PD-së, Basha është ndalur në Kukës, nga ku theksoi se prioritet i qeverisjes së ardhshme do të jenë qytetarët dhe mirëqënia e tyre.
Basha tha se do t’i japim fund varfërisë së shqiptarëve, të cilët nën qeverisjen e Edi Ramës kanë parë si mundësi vetëm largimin nga vendi.
“Dua t’i shpreh kuksianëve mirënjohjen e jashtëzakonshme për refuzimin masiv që i bënë Edi Ramës më 30 qershor”, tha Basha.
Ai premtoi se që javën e parë të qeverisjes së PD do të hiqet trau i rrugës së Kombit.
“Kukësi i ka prirë betejës për liri e demokraci me revoltën kundër taskës së rrugës së Kombit. Dua të shpreh vendosmërinë tonë që javën tonë të parë në qeveri do të heqim traun e rrugës së Kombit.
I kam kërkuar strukturave të PD të bëhen gati që bashkë me qytetarët ta kthejmë shumicën Rama ik më 30 qershor, në shumicën e një ndryshimi të thellë ekonomik e politik për cdo shqiptar, për t’i dhënë fund emigracionit e kurbetit që po e tret Kukësin.
Punësimi i shqiptarëvë, mirëqenia e shqiptarëvë, punësimi i kuksianëve, mirëqënia e tyre janë objektiv dhe prioriteti më madhi i PD dhe i imi personalisht”, u shpreh Basha.
