Një nga zërat tepër kritikë të qeverisë dhe njohës i mirë i ligjit, ish-ministri i Drejtësisë Ylli Manjani ka shigjetur sërish këtë radhë punën e kabinetit nën drejtimin e kryeministrit Rama.
Mananji ka numëruar të gjithë dështimet e kësaj qeverie, ndërsa ka vënë theksin tek vjedhja e parave përmes koncensioneve dhe PPP-ve, vendosjen e miliona eurove në duart e një pakice si dhe rrëmbimin e pronës private.
Reagimi
Miliona euro kontrata koncensionesh e PPP pa leverdisshmëri ekonomike, të lidhura pa garë dhe për shërbime që blihen shtrenjtë.
Po aq miliona euro tendera për një pakicë njerëzish. Kontrata të lidhura pa garë të mirëfilltë dhe në një pjesë të mirë me procedura Sekret!
Kulmi!!! Tenderë sekretë.
Dhunim i hapur i pronës publike, për t’u vënë në funksion të ndërtimeve private.
Shkatërrim me dashje i trashëgimisë kulturore e historike të vendit.
Rrëmbim i pronës private hapur dhe me policë!
Arrestime haptazi të paligjshme të kryera me urdhër politik nga policia.
Vjedhje e votimeve sa herë që bëhen, me ose pa opozitën.
Të mos përmendim këtu dhunimet sistematike të Kushtetutës së Republikës, apo presionet e dukshme ndaj gjykatësve që guxojnë të zbatojnë ligjin.
Ama, JEMI KRENARË që bëmë Reformën në drejtësi!
Se kujt i duhet kjo reforma kur vidhet hapur e pa frikë nga ndëshkimi, vetëm ata që janë krenarë e dinë!
Dhe të gjithë “krenarët” e reformës nuk harrojnë të shtojnë se “fajin e ka opozita”!!!
Dmth qeveria vjedh, por opozita që është dhe pa imunitet, ka faj e frikë!
Të puthsha mendjen- i thonë kësaj!
